10 верасня, Мінск /Кар. БЕЛТА/. У іракскім горадзе Кербела ў час рэлігійнага свята Ашура загінуў як мінімум 31 чалавек, каля 100 былі паранены, паведамляе Reuters.
Паводле даных мясцовых СМІ, у час святкавання адбылося абвальванне часткі пешаходнага пераходу, на якім сабралася вялікая колькасць людзей. Падрабязнасці здарэння пакуль не паведамляюцца.
Штогод мусульмане-шыіты з'язджаюцца з усяго свету ў Кербелу на рэлігійны рытуал Ашура ў гонар імама Хусэйна, унука прарока Мухамеда. У 680 годзе ў бітве пры Кербеле імам Хусэйн, яго брат Абас і 70 іх паплечнікаў былі забіты.-0-
