10 жніўня, Мінск /Кар. БЕЛТА/. На Мексіку пагражае абрушыцца шторм "Франклін", які ўзмацніўся да ўрагану, паведамляюць інфармагенцтвы.
З-за разгулу стыхіі аб'яўлены максімальны ўзровень трывогі, пачалася эвакуацыя жыхароў раёнаў, якія знаходзяцца ў асаблівай небяспецы. У штатах Веракрус, Пуэбла і Ідальга падрыхтаваны больш за 3 тыс. прытулкаў для размяшчэння насельніцтва. У штаце Кінтана-Роа закрыты ўсе школы. Ваеннаслужачыя, наземная і паветраная тэхніка прыведзены ў стан павышанай гатоўнасці.
Трапічны шторм "Франклін" сфарміраваўся 6 жніўня. Цяпер скорасць ветру дасягае 97 км/гадз.-0-
