21 верасня, Кіеў /БЕЛТА - Укрінфарм/. Міністэрства замежных спраў Украіны накіравала Расіі паведамленне аб непрадаўжэнні Дагавора аб дружбе, супрацоўніцтве і партнёрстве. Аб гэтым заявіў на брыфінгу міністр замежных спраў Украіны Павел Клімкін.
"МЗС перадало фармальную ноту Расійскай Федэрацыі аб непрадаўжэнні Дагавора аб дружбе, супрацоўніцтве і партнёрстве", - расказаў Павел Клімкін.
Дагавор аб дружбе, супрацоўніцтве і партнёрстве паміж Расіяй і Украінай быў падпісаны ў маі 1997 года. У канцы 2008 года дакумент быў прадоўжаны яшчэ на 10 гадоў. Прэзідэнт Украіны Пётр Парашэнка 17 верасня падпісаў указ аб увядзенні ў дзеянне рашэння Савета нацыянальнай бяспекі і абароны Украіны аб спыненні дзеяння дагавора.-0-
