6 верасня, Мінск /Кар. БЕЛТА/. Як мінімум шасцёра чалавек загінулі і дзевяць зніклі без вестак у цэнтральнай частцы В'етнама з-за моцнай паводкі, выкліканай праліўнымі дажджамі. Аб гэтым паведамляе в'етнамская анлайн-газета VnExpress.
Моцныя ліўні, якія прынёс тайфун "Кайжыкі", увечары 5 верасня пачаліся на тэрыторыі ад правінцыі Нгеан да Куангчы. Паводле даных Цэнтральнага кіруючага камітэта па прадухіленні стыхійных бедстваў, амаль 15 тыс. дамоў у цэнтральным рэгіёне затоплены, эвакуіраваны больш за 3,7 тыс. чалавек.
Раней, 3 верасня, стыхія пранеслася па правінцыях Тхыатх'ен-Хюэ і Куангнам у цэнтральнай частцы краіны. Там прайшлі моцныя ліўні, якія выклікалі паводку і апоўзні.
У 2018 годзе ў В'етнаме стыхійныя бедствы, у асноўным паводка, шторм і апоўзні, прывялі да гібелі 181 чалавека, яшчэ 37 чалавек прапалі без вестак. Матэрыяльны ўрон ад прыродных катастроф за мінулы год перасягнуў $850 млн.-0-
