27 верасня, Каракас /БЕЛТА - ВАН/. Прэзідэнт Венесуэлы Нікалас Мадура звярнуўся з просьбай да ААН арганізаваць незалежнае міжнароднае расследаванне замаху на яго жыццё, якое адбылося ў жніўні гэтага года. З такой заявай Нікалас Мадура выступіў у рамках 73-й сесіі Генасамблеі ААН.
"Прашу ААН назначыць спецыяльнага дэлегата для правядзення расследавання замаху на жыццё. Венесуэла адкрыта для гэтага", - аб'явіў кіраўнік Венесуэлы.
Акрамя таго, у сваім выступленні Нікалас Мадура заявіў, што гатовы да правядзення сустрэчы з Прэзідэнтам ЗША Дональдам Трампам для абмеркавання двухбаковых рознагалоссяў паміж краінамі.
Спроба замаху на жыццё прэзідэнта Венесуэлы была ўчынена 4 жніўня ў Каракасе. Яна адбылася ў ходзе яго выступлення на цырымоніі ў гонар 81-й гадавіны стварэння Нацыянальнай баліварыянскай гвардыі. Злачынцы выкарыстоўвалі беспілотнікі з грузам узрыўчаткі на іх. Прэзідэнт і члены вышэйшага кіраўніцтва краіны не пацярпелі. Колькасць людзей, якія маюць дачыненне да гэтага замаху, паводле даных пракуратуры Венесуэлы, складае ўжо некалькі дзясяткаў чалавек.-0-
