29 чэрвеня, Мінск /Кар. БЕЛТА/. Колькасць загінулых пры пажары ў шматпавярховым доме Grenfell Tower у Лондане павялічылася да 80 чалавек. Аб гэтым паведаміла Фіёна Макормак - следчы лонданскай паліцыі, перадае Lenta.ru са спасылкай на Reuters.
Для ўстанаўлення дакладнай колькасці ахвяр гэтай трагедыі спатрэбіцца яшчэ некалькі месяцаў. Яна таксама расказала, што ў сувязі з праводзімым расследаваннем праваахоўныя органы вывучаюць дакументацыю амаль 60 фірм і кампаній, якія прымалі ўдзел у нядаўнім рамонце гэтага вышыннага будынка.
Пажар у 24-павярховым жылым доме ў брытанскай сталіцы пачаўся ў ноч на 14 чэрвеня. Прычынай пажару паліцыя назвала ўзгаранне халадзільніка ў адной з кватэр. Шэраг экспертаў лічаць, што знешняя абліцоўка будынка, зробленая з гаручых матэрыялаў, магла ўзмацніць пажар.-0-
