3 мая, Мінск /Кар. БЕЛТА/. Колькасць загінулых у выніку пясчанай буры, якая суправаджалася ліўнем і навальніцай у паўночнай частцы Індыі, дасягнула 109 чалавек, паведамляе ТАСС.
Згодна з існуючымі звесткамі, найбольш ад стыхіі пацярпелі штаты Утар-Прадэш, дзе загінулі 64 чалавекі, і Раджастхан, дзе колькасць ахвяр перасягнула 30 чалавек. У выніку бедства 130 чалавек атрымалі траўмы рознай ступені цяжкасці.-0-