22 верасня, Мінск /Кар. БЕЛТА/. Колькасць загінулых пры землетрасенні ў Мексіцы дасягнула 286, больш за 200 чалавек лічацца прапаўшымі без вестак, паведамляюць інфармагенцтвы.
Раней паведамлялася аб 230 загінулых. Найбольшая колькасць ахвяр прыпадае на сталіцу краіны Мехіка.
Землетрасенне магнітудай 7,1 адбылося ў Мексіцы 19 верасня. Пасля яго было зафіксавана 11 паўторных штуршкоў. У Мехіка разбураны больш як 40 будынкаў, яшчэ каля 3 тыс. збудаванняў знаходзяцца ў аварыйным стане і могуць абрушыцца ў любы момант.-0-