9 студзеня, Мінск /Кар. БЕЛТА/. Колькасць пацярпелых у выніку сутыкнення двух паяздоў у ПАР павялічылася да 604 чалавек, паведаміў 8 студзеня кіраўнік сталічнай акругі Цване (ПАР) Солі Мсіманга ў Twitter.
"Сёння сумны дзень у Цване пасля таго, як два поезды сутыкнуліся, у выніку чаго тры чалавекі загінулі і 604 пасажыры пацярпелі", - напісаў Солі Мсіманга. Ён таксама перадаў спачуванні сем'ям загінулых і пажадаў хутчэйшага выздараўлення пацярпелым.
Як паведамлялася, лабавое сутыкненне паяздоў адбылося ў раёне паўднёваафрыканскага горада Прэторыя.-0-