29 жніўня, Мінск /Кар. БЕЛТА/. Колькасць ахвяр урагану "Марыя" ў Пуэрта-Рыка, які абрушыўся на гэту асацыіраваную з ЗША астраўную дзяржаву ў верасні мінулага года, амаль у 50 разоў перавысіла раней агучаныя лічбы. Аб гэтым паведамляе ТАСС са спасылкай на інфармагенцтва Associated Press.
Лічылася, што ахвярамі разбуральнага ўрагану "Марыя" сталі 64 чалавекі. Па заказе ўлад Пуэрта-Рыка сталічны Універсітэт Джорджа Вашынгтана падрыхтаваў даклад, прысвечаны ацэнкам колькасці загінулых у выніку ўдару стыхіі. Даследчыкі прывялі іншую лічбу - 2 тыс. 975 чалавек.
Губернатар Пуэрта-Рыка Рыкарда Расэла заявіў, што пасля вывучэння даклада ўрад лічыць ахвярамі ўрагану менавіта такую колькасць людзей. Пры гэтым ён падкрэсліў, што і новую лічбу таксама не трэба лічыць канчатковай.
У Пуэрта-Рыка пасля ўрагану "Марыя" ўзнік востры недахоп прадуктаў харчавання, пітной вады і гаручага. Моцны вецер і праліўныя дажджы прывялі да маштабнай паводкі. Паводле падлікаў аналітычнага агенцтва Moody's Analytics, урон мог скласці да $95 млрд.-0-
