23 красавіка, Мінск /Кар. БЕЛТА/. Колькасць загінулых у выніку тэрактаў 21 красавіка ў Шры-Ланцы склала 310 чалавек, інфармуе CNN.
Раней паведамлялася аб 290 загінулых і 500 параненых.
Сёння ў Шры-Ланцы праходзяць жалобныя мерапрыемствы. На тэрыторыі ўсёй краіны адменены забаўляльныя мерапрыемствы, на дзяржустановах прыспушчаны дзяржаўныя сцягі.
21 красавіка ў Шры-Ланцы прагрымелі восем узрываў, у тым ліку ў цэрквах у час велікодных службаў і атэлях. Паводле даных паліцыі, у сувязі з тэрактамі арыштаваны 40 чалавек. Расследуецца іх сувязь з міжнароднымі тэрарыстычнымі арганізацыямі.-0-
