27 жніўня, Сафія /БЕЛТА - БТА/. Колькасць ахвяр ДТЗ з турыстычным аўтобусам недалёка ад балгарскага горада Своге ўзрасла да 17 чалавек, яшчэ тры пасажыры знаходзяцца ў цяжкім стане ў бальніцы Сафіі. Пракуратура прад'явіла абвінавачанне вадзіцелю аўтобуса.
Грыгор Грыгараў абвінавачваецца ў парушэнні правіл дарожнага руху, а менавіта ў перавышэнні скорасці. Паведамляецца, што пры абмежаванні да 40 км/гадз аўтобус ехаў са скорасцю 53 км/гадз. Падазроны затрыманы на 72 гадзіны.
Як паведамлялася, аварыя здарылася ў раёне Іскырскага дэфіле 25 жніўня ў час моцнага дажджу. Аўтобус з балгарскімі пенсіянерамі ўрэзаўся ў тры легкавыя аўтамабілі, прабіў дарожную агароджу і ўпаў з 20-метровага абрыву.
У сувязі з трагедыяй 27 жніўня аб'яўлены ў Балгарыі днём нацыянальнай жалобы. У краіне прыспушчаны дзяржаўныя сцягі.-0-