29 снежня, Пекін /БЕЛТА - Сіньхуа/. Кітай прадоўжыў бязвізавы транзіт праз Пекін, Цяньцзінь і правінцыю Хэбэй з 72 да 144 гадзін для грамадзян 53 краін.
Пасажыры транзітных паветраных суднаў, паяздоў і марскіх суднаў, якія ўязджаюць у адзін з шасці пагранічных партоў у Пекіне, Цяньцзіні і правінцыі Хэбэй, могуць заставацца ў гэтым рэгіёне на працягу шасці дзён. Для таго каб скарыстацца бязвізавым рэжымам, неабходна прад'явіць дзеючыя праязныя дакументы і білеты ў трэцюю краіну.
Пекін увёў 72-гадзінны бязвізавы транзіт з 2013 года. У 2016 годзе пагранічны офіс зарэгістраваў больш як 26 тыс. транзітных паездак, што на 32 працэнты больш, чым на год раней.-0-
