Поўная версія

Кім Чэн Ын падкрэсліў важнасць далейшага паляпшэння адносін з Рэспублікай Карэя

У свеце 13.02.2018 | 14:59
Кім Чэн Ын. Фота AP
Кім Чэн Ын. Фота AP

13 лютага, Мінск /Кар. БЕЛТА/. Лідар КНДР Кім Чэн Ын лічыць важным прадоўжыць паляпшаць адносіны з Рэспублікай Карэя, паведамляе ТАСС са спасылкай на паўночнакарэйскае агенцтва ЦТАК.

У паведамленні агенцтва адзначаецца, што дэлегацыя, якую ўзначальвала сястра паўночнакарэйскага лідара Кім Ё Чжон, пасля вяртання ў КНДР з Рэспублікі Карэя далажыла Кім Чэн Ыну падрабязнасці паездкі і праведзеных там перагавораў з прэзідэнтам РК Мун Чжэ Інам.

У адносінах Сеула і Пхеньяна цяпер намецілася актыўнае пацяпленне. На мінулым тыдні Рэспубліку Карэя для ўдзелу ў цырымоніі адкрыцця зімовай Алімпіяды наведала дэлегацыя з Пхеньяна, у якую ўваходзілі старшыня прэзідыума Вярхоўнага народнага сходу (парламента) Кім Ён Нам і родная сястра лідара КНДР Кім Ё Чжон. Яны перадалі прэзідэнту РК запрашэнне наведаць КНДР у бліжэйшы час і правесці там сустрэчу з Кім Чэн Ынам.

У адказ прэзідэнт Рэспублікі Карэя Мун Чжэ Ін паведаміў, што не выключае візіт у Пхеньян. "Візіт можа быць праведзены ў будучым, калі будуць створаны неабходныя ўмовы", - сказаў ён.

Паляпшэнне ў адносінах дзвюх краін пачалося пасля таго, як у пачатку студзеня Кім Чэн Ын выказаў гатоўнасць накіраваць на зімовую Алімпіяду афіцыйную дэлегацыю, артыстаў і спартсменаў. Бакі аб гэтым хутка дамовіліся, а а затым МАК узгадніў удзел паўночнакарэйскіх атлетаў у Гульнях у Пхёнчхане. Паралельна Сеул і Вашынгтон перанеслі на больш позні тэрмін буйнамаштабныя сумесныя ваенныя манеўры, якія штогод праходзяць у гэты час і нязменна выклікаюць вялікую насцярожанасць у Пхеньяне.-0-

Навіны рубрыкі У свеце
Поўная версія