20 сакавіка, Астана /БЕЛТА - КАЗІНФАРМ/. Старшыня Сената парламента Казахстана Касым-Жамарт Такаеў у якасці часовага выконваючага абавязкі Прэзідэнта краіны прынёс прысягу народу Казахстана.
Прэзідэнт Казахстана Нурсултан Назарбаеў 19 сакавіка выступіў у эфіры рэспубліканскіх тэлеканалаў і заявіў аб складанні з сябе паўнамоцтваў Прэзідэнта. На астатні тэрмін паўнамоцтвы Прэзідэнта Казахстана пераходзяць да старшыні Сената Касым-Жамарту Такаеву з моманту прынясення ім прысягі.
Згодна з артыкулам 48 Канстытуцыі Казахстана "ў выпадку датэрміновага вызвалення або адхілення ад пасады Прэзідэнта Казахстана, а таксама яго смерці паўнамоцтвы Прэзідэнта рэспублікі на астатні тэрмін пераходзяць да старшыні Сената парламента". Таксама ў Канстытуцыі адзначаецца, што асоба, якая прыняла на сябе паўнамоцтвы Прэзідэнта рэспублікі, складае з сябе паўнамоцтвы старшыні Сената.-0-