18 ліпеня, Мінск /Кар. БЕЛТА/. Колькасць загінулых з-за гарачыні ў Японіі дасягнула 12 чалавек, амаль 10 тыс. шпіталізаваны, перадае ТАСС.
Раней паведамлялася, што ад гарачыні загінулі пяць чалавек, яшчэ 2 тыс. звярнуліся па медыцынскую дапамогу.
Найбольш гарачае надвор'е ўсталявалася ў цэнтральных і заходніх раёнах Японіі. Так, у прэфектуры Гіфу слупок тэрмометра ўзнімаўся вышэй за 39 градусаў Цэльсію, што ў Японіі стала рэкордным паказчыкам з пачатку лета. У Токіа нават у раннішнія гадзіны тэмпература трымаецца на ўзроўні 33-34 градусаў.
Адзначаецца, што большасць пацярпелых - людзі пажылога ўзросту, якія часта не сочаць, як доўга яны знаходзяцца на вуліцы, або не ўключаюць дома кандыцыянеры ў мэтах эканоміі.
У 2017 годзе з-за гарачыні ў Японіі загінулі 44 чалавекі, дзясяткі тысяч трапілі ў бальніцы.-0-