17 мая, Мінск /Кар. БЕЛТА/. Еўрапейскі вяшчальны саюз (EBU) гатовы разгледзець апублікаваную на сайце change.org. петыцыю, якая заклікае арганізатараў "Еўрабачання-2016" перагледзець вынікі фіналу музычнага конкурсу. Аб гэтым расказаў прэс-сакратар EBU Пол Джордан, паведамляюць інфармагенцтвы.
Паводле яго слоў, EBU ведае аб петыцыі, сёння пытанне будзе абмяркоўвацца, а свой адказ Еўрапейскі вяшчальны саюз апублікуе пазней.
Пры гэтым прэс-сакратар саюза сумняваецца, што вынікі галасавання ў фінале конкурсу будуць перагледжаны.
Па стане на 13.50 па мінскім часе петыцыя сабрала больш як 225 тыс. подпісаў.-0-
