27 верасня, Мінск /Кар. БЕЛТА/. ЕС плануе да лістапада стварыць механізм знешнегандлёвых разлікаў з Іранам у абход санкцый ЗША. Аб гэтым заявіла вярхоўны прадстаўнік ЕС па замежных справах і палітыцы бяспекі Федэрыка Магерыні на палях Генасамблеі ААН у Нью-Ёрку, паведамляе ТАСС.
На палях Генасамблеі прайшла сустрэча кіраўнікоў МЗС Ірана і пяцёркі пасрэднікаў ААН (Расіі, Германіі, Вялікабрытаніі, Францыі і Кітая). На сустрэчы Федэрыка Магерыні аб'явіла, што пачынаецца падрыхтоўчая работа па стварэнні краінамі ЕС легальнай структуры для фінансавых транзакцый з Іранам для забеспячэння міжнароднага гандлю, у тым ліку нафтай. У перспектыве да гэтага механізма змогуць далучыцца і іншыя краіны.
Еўрасаюз 7 жніўня актывіраваў блакіруючы рэгламент, які аб'явіў несапраўднымі экстэрытарыяльныя санкцыі ЗША супраць Ірана на тэрыторыі ЕС.-0-
