14 мая, Масква /Эдуард Півавар - БЕЛТА/. Еўразійскі эканамічны саюз 17 мая ў Астане падпіша пагадненні з Кітаем і Іранам, паведамілі БЕЛТА ў прэс-службе Еўразійскай эканамічнай камісіі (ЕЭК).
"Паміж саюзам і Іранам пачне дзейнічаць зона свабоднага гандлю, якая прадугледжвае зніжэнне або абнуленне ўвазных мытных пошлін па даволі шырокай наменклатуры тавараў, - растлумачылі ў ЕЭК. - З Кітаем дасягнуты дамоўленасці па шырокафарматным і галіновым супрацоўніцтве".
З боку ЕАЭС пагадненні будуць падпісаны старшынёй Калегіі ЕЭК Тыгранам Саркісянам. У цырымоніі падпісання прымуць удзел высокапастаўленыя прадстаўнікі краін Еўразійскага эканамічнага саюза, Кітая і Ірана.-0-