27 верасня, Мінск /Кар. БЕЛТА/. Тэрарысты-смяротнікі сёння атакавалі сталіцу Ірака. Як паведамляе ТАСС, каля 20 мірных жыхароў Багдада сталі ахвярамі двух магутных узрываў.
Першы тэракт быў учынены побач з мячэццю на цэнтральнай плошчы ў квартале Новы Багдад. Паводле інфармацыі, што паступае, колькасць загінулых можа дасягаць дзевяці. Каля 15 чалавек атрымалі раненні.
Практычна адначасова з гэтым узрывам на поўдні Багдада ў квартале Эль-Біяа было прыведзена ў дзеянне выбуховае ўстройства ў натоўпе мясцовых жыхароў. Загінулі, паводле апошніх даных, не менш як 9 іракцаў, 26 атрымалі раненні.
Абодва тэракты, як адзначаюць у сталічнай паліцыі, былі ўчынены экстрэмістамі, якія падарвалі замацаваныя на іх паясы з узрыўчаткай у месцах з вялікай колькасцю людзей.-0-