16 сакавіка, Мінск /Кар. БЕЛТА/. Чатыры чалавекі загінулі і дзевяць паранены ў выніку абрушэння моста ў Фларыдзе (ЗША). Такія даныя прадаставілі СМІ ўлады амерыканскага штата.
Пешаходны мост вагой 950 т абрушыўся побач з кампусам Міжнароднага ўніверсітэта Фларыды. Пад бетоннымі плітамі моста ў момант абрушэння апынуліся не менш як восем аўтамабіляў. Паводле інфармацыі начальніка пажарнага ўпраўлення акругі Маямі- Дэйд Дэйва Даўні, у выніку крушэння канструкцыі загінулі чатары чалавекі, дзевяць з рознымі траўмамі шпіталізаваны.
Мост, які павінен быў звязаць інтэрнаты ўніверсітэта і вучэбныя карпусы, знаходзіўся ў стадыі будаўніцтва. На яго ўзвядзенне было патрачана $14 млн, канструкцыя павінна была вытрымаць ураганы пятай катэгорыі і праслужыць больш за сто гадоў.-0-
