Сцяг Чацвер, 28 сакавіка 2024
Усе навіны
Усе навіны
У свеце
06 красавіка 2018, 14:57

Былы прэзідэнт Рэспублікі Карэя Пак Кын Хе прыгаворана да 24 гадоў турмы

6 красавіка, Сеул /БЕЛТА - Рэнхап/. Былы прэзідэнт Рэспублікі Карэя Пак Кын Хе прыгаворана да 24 гадоў турмы, а таксама абавязана выплаціць 18 млрд вон (каля $17,5 млн) штрафу ў выніку вялікага карупцыйнага скандалу.

Цэнтральны раённы суд Сеула вынес вердыкт экс-прэзідэнту Пак Кын Хе на адкрытым судовым пасяджэнні, якое ўпершыню ў гісторыі краіны трансліравалася ў прамым тэлеэфіры, праз год пасля яе арышту.

Былы лідар Рэспублікі Карэя прызнана вінаватай па 16 пунктах абвінавачання, сярод якіх хабарніцтва, вымагальніцтва і злоўжыванне ўладай.

Сама Пак Кын Хе адмовілася прысутнічаць на судовым разглядзе. Яна байкатавала слуханне ў знак пратэсту супраць рашэння суда аб прадаўжэнні тэрміну пазбаўлення волі на шэсць месяцаў, якое было вынесена ў кастрычніку.

Пак Кын Хе стала першай у гісторыі Рэспублікі Карэя жанчынай-прэзідэнтам (была выбрана ў 2013 годзе), а таксама першым у паўднёвакарэйскай гісторыі прэзідэнтам краіны, які быў адпраўлены ў адстаўку ў выніку імпічменту.

Палітычны скандал вакол паўднёвакарэйскага лідара разгарэўся ў кастрычніку 2016 года. Фармальна яна была адхілена ад пасады Канстытуцыйным судом 10 сакавіка 2017 года.-0-

Падпісвайцеся на нас у
Twitter
Топ-навіны
Свежыя навіны Беларусі