23 лютага, Пхёнчхан /Кар. БЕЛТА/. Бюджэт Алімпіяды і Паралімпіяды ў Пхёнчхане складае $12,5 млрд, перадаюць інфармагенцтвы са спасылкай на прадстаўнікоў аргкамітэта АГ.
На арганізацыю спаборніцтваў накіравана $12,5 млрд, з якіх большую частку $10,1 млрд выдзеліў паўднёвакарэйскі ўрад. Грошы пайшлі на стварэнне аб'ектаў інфраструктуры. Яшчэ $2,4 млрд - гэта аперацыйныя расходы.
XXIII Зімовыя Алімпійскія гульні праходзяць з 9 па 25 лютага. У праграму Гульняў уключаны 15 зімовых спартыўных дысцыплін, якія складаюць сабой 7 зімовых відаў спорту: 3 каньковыя дысцыпліны (фігурнае катанне, канькабежны спорт, шорт-трэк), 6 лыжных дысцыплін (гарналыжны спорт, лыжны спорт, фрыстайл, лыжнае дваябор'е, скачкі з трампліна, снаўборд), 2 бабслейныя віды спорту (бабслей, скелетон) і 4 іншыя віды спорту (біятлон, кёрлінг, хакей, і санны спорт). Паралімпіяда пройдзе 9-18 сакавіка.-0-
