16 кастрычніка, Баку /БЕЛТА - ТАСС/. Сустрэча прэзідэнтаў Азербайджана і Арменіі Ільхама Аліева і Сержа Саргсяна ў Жэневе па карабахскім урэгуляванні адбылася ў панядзелак у канструктыўным ключы. Аб гэтым гаворыцца ў сумеснай заяве міністраў замежных спраў дзвюх краін і сустаршынь Мінскай групы АБСЕ, распаўсюджанай азербайджанскім МЗС.
"Сустрэча прайшла ў канструктыўнай атмасферы. Прэзідэнты пагадзіліся прыняць меры па актывізацыі перагаворнага працэсу і зрабіць дадатковыя крокі для зніжэння напружанасці на лініі сутыкнення", - адзначаецца ў дакуменце. У ім падкрэсліваецца, што "сустаршыні выказалі задавальненне гэтымі прамымі перагаворамі, праведзенымі пасля доўгага перапынку".
"Яны (сустаршыні) па-ранейшаму гатовы працаваць з бакамі для мірнага ўрэгулявання нагорна-карабахскага канфлікту шляхам перагавораў", - адзначаецца ў заяве. У ёй таксама гаворыцца, што ў якасці чарговага кроку ў бліжэйшым будучым сустаршыні правядуць рабочую сустрэчу з міністрамі замежных спраў Азербайджана і Арменіі.-0-