15 жніўня, Мінск /Кар. БЕЛТА/. Колькасць пацярпелых у выніку аварыйнай пасадкі самалёта "Уральскіх авіяліній" у Падмаскоўі ўзрасла да 55 чалавек, паведамляе ТАСС са спасылкай на ГУ МНС па Маскоўскай вобласці.
"За медыцынскай дапамогай звярнуліся 55 пасажыраў самалёта, з іх 17 дзяцей. Шпіталізаваны шэсць чалавек", - паведамілі ў ГУ МНС.
Раней паведамлялася аб 23 пацярпелых. Усяго на борце самалёта знаходзілася 226 пасажыраў, сярод іх 41 дзіця.
Лайнер Airbus A321 зрабіў аварыйную пасаду ў раёне аэрапорта Жукоўскі раніцай 15 жніўня. Пры ўзлёце ў яго загарэўся рухавік, з-за чаго ён экстранна прызямліўся.
Паводле даных Расавіяцыі, на ўзлёце самалёт сутыкнуўся з чарадой чаек, што прывяло да перабояў у рабоце рухавікоў. Кіраўнік ведамства Аляксандр Нерадько назваў рашэнне экіпажа самалёта A321 сесці на полі "адзіна правільным". Паводле яго слоў, падстаў для праверкі авіякампаніі няма.-0-
