13 верасня, Мінск /Кар. БЕЛТА/. Агульная колькасць загінулых ад урагану "Ірма" ў ЗША і краінах Карыбскага басейна склала 55 чалавек, паведамляюць інфармагенцтвы, спасылаючыся на даныя Associated Press.
Адзначаецца, што мінімум 18 чалавек загінулі ў ЗША: 12 чалавек загінулі ў Фларыдзе, 4 чалавекі - у Паўднёвай Караліне, яшчэ двое страцілі жыцці ў Джорджыі.
У краінах Карыбскага басейна афіцыйна пацверджана гібель 37 чалавек, аднак улады не выключаюць росту колькасці ахвяр па меры разбору завалаў.
Ураган "Ірма" ўжо назвалі самым моцным у Атлантыцы за апошняе дзесяцігоддзе. Стыхія таксама стала рэкардсменам сярод моцных ураганаў па працягласці негатыўнага ўздзеяння.-0-