14 ліпеня, Мінск /Кар. БЕЛТА/. Аэрапорт Вільнюса закрываецца на рамонт да 18 жніўня, паведамляе БЕЛТА.
Рэканструкцыя ўзлётна-пасадачнай паласы ў аэрапорце Вільнюса будзе праводзіцца з 14 ліпеня па 18 жніўня. За гэты час заменяць старое пакрыццё, умацуюць яго аснову, абсталююць новыя дрэнажныя і ліўневыя сістэмы, правядуць рэканструкцыю сістэмы кіравання сігнальных агнёў.
Папярэдні раз рэканструкцыя праводзілася два дзясяткі гадоў таму. Для правядзення цяперашніх работ лета было выбрана з-за аптымальных умоў надвор'я. Рамонт будуць праводзіць толькі днём. Разглядаўся варыянт работы па начах, але ад яго было вырашана адмовіцца, паколькі ў гэтым выпадку рамонтны перыяд расцягнуўся б на два гады, а час узлёту і пасадкі ў аэрапорце скараціўся б.-0-