15 лютага, Мінск /Кар. БЕЛТА/. У лютаўскім рэйтынгу Міжнароднай федэрацыі футбола (ФІФА) зборная Беларусі займае 93-е месца, паведамляе карэспандэнт БЕЛТА.
За мінулы месяц каманда Ігара Крывушэнкі матчаў не праводзіла і засталася на студзеньскай пазіцыі з той жа колькасцю заліковых балаў - 372. Бліжэйшыя сустрэчы беларускія футбалісты згуляюць у канцы першага вясенняга месяца: 23 сакавіка ў Баку правядуць таварыскі матч са зборнай Азербайджана, а 27 сакавіка ў Любляне сустрэнуцца з камандай Славеніі. У лютаўскім рэйтынгу ФІФА Азербайджан займае 119-е месца, Славенія знаходзіцца на 63-й пазіцыі.
Топ-10 рэйтынгу ФІФА:
1. Германія - 1602 ачкі,
2. Бразілія - 1484,
3. Партугалія - 1358,
4. Аргенціна - 1348,
5. Бельгія - 1325,
6. Іспанія - 1231,
7. Польшча - 1213,
8. Швейцарыя - 1190,
9. Францыя - 1183,
10. Чылі - 1153.
Наступны рэйтынг будзе апублікаваны 15 сакавіка.-0-