19 сакавіка, Мінск /Кар. БЕЛТА/. У Доме футбола прайшла жараб'ёўка паўфінальных пар розыгрышу Кубка Беларусі, паведамляе карэспандэнт БЕЛТА.
Дзеючы ўладальнік трафея брэсцкае "Дынама" двойчы сустрэнецца з магілёўскім "Дняпром". Фіналіст мінулага розыгрышу барысаўскі БАТЭ будзе сапернічаць з гродзенскім "Нёманам".
Першыя паўфінальныя сустрэчы адбудуцца 18 красавіка ў Брэсце і Барысаве, у адказ паядынкі за выхад у фінал пройдуць 2 мая ў Гродне і Магілёве.
Вырашальны кубкавы паядынак адбудзецца 19 мая ў Магілёве.-0-