16 мая, Мінск /Кар. БЕЛТА/. Беларуска Вікторыя Азаранка (51-ы нумар рэйтынгу WTA) выйшла ў чвэрцьфінал турніру катэгорыі "Прэм'ер" у Рыме, паведамляе карэспандэнт БЕЛТА.
Сёння ў паядынку 1/8 фіналу з іспанкай Гарбінье Мугурусай (19) Вікторыя Азаранка выйграла першы сэт 6:4, а ў другой партыі пры ліку 3:1 на карысць беларускі саперніца не змагла прадоўжыць гульню з-за праблем са здароўем.
На старце турніру беларуска ўпэўнена перамагла кітайскую тэнісістку Чжан Шуай (48) - 6:2, 6:1, а ў другім крузе перамагла ўкраінку Эліну Світоліну (6) - 4:6, 6:1, 7:5.
У матчы за выхад у паўфінал саперніцай Вікторыі Азаранка будзе пераможца сустрэчы паміж чэшкай Каралінай Плішкавай (7) і Сафіяй Кенін (37) з ЗША.
Турнір з прызавым фондам $3,4 млн завершыцца ў італьянскай сталіцы 19 мая.-0-
