18 чэрвеня, Мінск /Кар. БЕЛТА/. Беларуская тэнісістка Вікторыя Азаранка (41-ы нумар сусветнага рэйтынгу) прайграла на турніры Mallorca Open у Іспаніі, паведамляе карэспандэнт БЕЛТА.
Сёння Вікторыя Азаранка ў паядынку 1/16 фіналу сустракалася з французскай тэнісісткай Каралін Гарсіяй (23) і ўступіла - 6:1, 4:6, 5:7. У трэцім сэце беларуска вяла 3:1, 4:3, 5:4, але не змагла давесці сустрэчу да перамогі.
Наступнай саперніцай Каралін Гарсіі будзе пераможца матчу паміж амерыканкай Элісан Рыск (49) і іспанкай Паўлай Бадосай Хіберт (132).
У парным разрадзе беларуска Лідзія Марозава і аўстралійка Сторм Сандэрс гуляюць з аўстралійска-грузінскім тандэмам Моніка Адамчак / Аксана Калашнікава.-0-