Поўная версія

Вікторыя Азаранка можа прапусціць US Open з-за суда па апецы над сынам - СМІ

Спорт 11.08.2017 | 17:07
Вікторыя Азаранка
Вікторыя Азаранка

11 жніўня, Мінск /Кар. БЕЛТА/. Вікторыя Азаранка можа прапусціць адкрыты чэмпіянат ЗША па тэнісе з-за суда па справе аб апякунстве над сынам Леа. Аб гэтым расказала амерыканскі адвакат беларускай тэнісісткі Лаўра Васер, паведамляюць інфармагенцтвы.

Справа ў тым, што бацька дзіцяці Білі МакКіг, з якім Азаранка рассталася ў мінулым месяцы, звярнуўся ў суд Лос-Анджэлеса, які пастанавіў, што на час разгляду справы аб апякунстве Леа не можа пакідаць горад. Плануецца, што суд прадоўжыцца мінімум да кастрычніка. А гэта азначае, што Азаранка будзе вымушана прапусціць US Open (Нью-Ёрк, 28 жніўня - 10 верасня) або адмовіцца ад сустрэч з сынам на час турніру. Вікторыя Азаранка лічыць, што яе былы бойфрэнд не можа як трэба клапаціцца аб 8-месячным дзіцяці, якога кармілі грудзьмі яшчэ месяц таму.

Адвакат таксама расказала, што Азаранка прапанавала аплаціць Білі МакКігу праезд і пражыванне ў час US Open, але суддзя адказаў адмовай. Акрамя таго, суд у Лос-Анджэлесе не збіраецца перадаваць гэту справу на разгляд беларускага суда, на што разлічвае Вікторыя Азаранка. Напярэдадні ў сацсетках з'явілася інфармацыя аб тым, што Азаранка заручылася падтрымкай аднаго з лепшых ізраільскіх адвакатаў у галіне сямейнага права Зіва Вальнера. Ён меў намер дапамагчы ў пытанні пераносу суда па справе аб апякунстве ў Беларусь.

Фан-група Вікторыі Азаранка ў сацсетцы "УКантакце" пачала інфармацыйную акцыю ў падтрымку беларускай тэнісісткі, якая трапіла ў няпростую жыццёвую сітуацыю.-0-

Навіны рубрыкі Спорт
Футбалісты "Чэлсі" і "Барселоны" згуляюць у 1/8 фіналу Лігі чэмпіёнаў
Учора 19:55
Баскетбалісты "Цмокі-Мінск" атрымалі чацвёртую перамогу ў Адзінай лізе ВТБ
Учора 14:44
Надзея Скардзіна сёмая, Дар'я Домрачава замыкае першы тузін заліку Кубка свету па біятлоне
Учора 12:30
Кайса Мякярайнен, Настасся Кузьміна і Дар'я Домрачава Дар'я Домрачава заняла трэцяе месца ў гонцы праследавання на этапе КС у Хохфільцэне
Учора 09:26
Дар'я Домрачава перамагла ў спрынце на другім этапе КС у Хохфільцэне
8 снежня, 18:48
Матч адкрыцця футбольнага Еўра-2020 пройдзе ў Рыме, фінал адбудзецца ў Лондане
7 снежня, 20:00
Беларуская федэрацыя біятлона заснавала новы турнір сярод юнакоў і дзяўчат
7 снежня, 17:37
Футбалісты "Ліверпуля", "Севільі", "Шахцёра" і "Порту" сталі апошнімі ўдзельнікамі плэй-оф Лігі чэмпіёнаў
7 снежня, 09:14
Беларус Ігар Бокій заваяваў пяць залатых узнагарод на ЧС па плаванні сярод паралімпійцаў у Мехіка
6 снежня, 16:19
Поўная версія