Сцяг Чацвер, 28 сакавіка 2024
Усе навіны
Усе навіны
Спорт
25 красавіка 2019, 19:15

Тэставы турнір да II Еўрапейскіх гульняў па спартыўнай гімнастыцы стартаваў у Мінску

25 красавіка, Мінск /Кар. БЕЛТА/. Тэставы турнір да II Еўрапейскіх гульняў па спартыўнай гімнастыцы стартаваў сёння ў "Мінск-Арэне", паведамілі карэспандэнту БЕЛТА ў прэс-службе Беларускай асацыяцыі гімнастыкі.

Удзел у ім прымаюць 42 атлеты з Беларусі, Грузіі, Украіны, Узбекістана, Фінляндыі і Літвы. Медалі будуць разыграны ў мнагабор'і і фіналах асобных відаў. У асацыяцыі адзначылі, што сярод беларускіх спартсменаў за медалі мінскага турніру спаборнічаюць уладальнік залатой узнагароды ў апорным скачку на юніёрскім чэмпіянаце Еўропы-2018 Святаслаў Драніцкі, прызёр этапаў Кубка свету Васіль Міхаліцын, а таксама ўладальнікі ліцэнзій на II Еўрапейскія гульні Ягор Шарамкоў і 15-гадовая Настасся Алістратава.

Завершацца спаборніцтвы 27 красавіка.

Спартыўная гімнастыка ўваходзіць у праграму II Еўрапейскіх гульняў. З 27 па 30 чэрвеня ў "Мінск-Арэне" 90 атлетаў разыграюць 12 камплектаў узнагарод.-0-

Падпісвайцеся на нас у
Twitter
Топ-навіны
Свежыя навіны Беларусі