22 лістапада, Мінск /Кар. БЕЛТА/. Тэнісісты Канады першымі прабіліся ў паўфінал розыгрышу Кубка Дэвіса, які праходзіць у Мадрыдзе, паведамляе карэспандэнт БЕЛТА.
У першым чвэрцьфінале канадцы перамаглі аўстралійцаў з лікам 2:1. Пераможны бал камандзе Канады прынеслі Вашэк Паспішыл і Дзяніс Шапавалаў, якія перамаглі ў парным матчы Джордана Томпсана і Джона Пірса - 6:4, 6:4. Сапернік канадцаў у барацьбе за выхад у фінал вызначыцца пасля сённяшняй сустрэчы зборных Сербіі і Расіі.
Таксама сёння адбудуцца яшчэ два чвэрцьфіналы: Вялікабрытанія - Германія, Іспанія - Аргенціна.
Паўфінальныя матчы Кубка Дэвіса пройдуць 23 лістапада, а вырашальны матч за самы ганаровы трафей мужчынскага каманднага тэніса адбудзецца 24 лістапада.-0-