18 мая, Мінск /Кар. БЕЛТА/. Смалявіцкая "Вікторыя" з паражэння стартавала на Кубку Еўропы па хакеі на траве сярод клубных каманд у Лондане, паведамляе карэспандэнт БЕЛТА.
У першым матчы з галандскім "Хертагенбошам" чэмпіён Беларусі не вельмі ўдала згуляў у другім перыядзе. У другой палавіне сустрэчы хакеісты "Вікторыі" стараліся больш уважліва дзейнічаць у абароне, прапусціўшы толькі аднойчы. Канчатковы лік - 5:0, на карысць каманды з Нідэрландаў.
У другім матчы 1/4 фіналу "Амстэрдам" быў мацнейшы за ірландскі "Дублін" - 8:0. У процістаянні дзвюх нямецкіх каманд "Гамбург" перамог"Мангеймер" - 1:0.
Смалявіцкая "Вікторыя" ў барацьбе за 5 месца згуляе з англійскім "Сурбітон", які ўступіў іспанскаму "Кампа дэ Мадрыд" - 0:2.
Беларуская каманда атрымала права згуляць у элітным дывізіёне, перамогшы ў 2017 годзе другі раз у чэмпіянаце свету.-0-
