6 чэрвеня, Мінск /Кар. БЕЛТА/. Скакуха ў вышыню Карына Таранда перамагла на міжнародным турніры Motonet GP у Лахты (Фінляндыя), паведамляе карэспандэнт БЕЛТА.
Беларуска справілася з планкай на адзнацы 1 м 92 см, пасля чаго з другой спробы ўзяла 1 м 96 см, што дало магчымасць ёй выканаць кваліфікацыйны нарматыў на Алімпійскія гульні ў Токіа.
Карына Таранда зрабіла спробу ўзяць планку на вышыні два метры, але пакуль яна ёй не пакарылася.
Як адзначылі ў БФЛА, рэзультат 1 м 96 см даў магчымасць Карыне Тарандзе размясціцца на другім радку сусветнага рэйтынгу гэтага летняга сезона, які яна будзе дзяліць разам з украінскай скакухай Яраславай Магучых. Таксама беларуска перапісала нацыянальны рэкорд сярод моладзі (U23).-0-
