22 лютага, Пхёнчхан /Кар. БЕЛТА/. Шведскі гарналыжнік Андрэ Мюрэр заваяваў залатую ўзнагароду на Алімпійскіх гульнях у Рэспубліцы Карэя ў слаламе. Беларус Юрый Данілачкін завяршыў выступленне на 33-м месцы, паведамляе карэспандэнт БЕЛТА.
Па суме двух спроб пераможца паказаў рэзультат - 1 мін 38,99 сек. Сярэбраную ўзнагароду ў гэтай дысцыпліне заваяваў швейцарац Рамон Цэнхойзер, які пасля дзявятага часу пасля першай спробы змог палепшыць свой рэзультат і адстаў ад шведа на 0,34 сек. Трэцяе месца заняў аўстрыец Міхаэль Мат - +0,67 сек.
Нарвежац Хенрык Крыстоферсен, які лідзіраваў пасля першай спробы, не змог справіцца з дыстанцыяй у ходзе другога спуску. Пацярпеў няўдачу і двухразовы чэмпіён бягучых зімовых Гульняў аўстрыец Марсэль Хіршэр.
Беларус Юрый Данілачкін завяршыў выступленне на 33-м месцы, уступіўшы Андрэ Мюрэру 13,16 сек па суме двух спроб.
Залаты медаль у слаламе для Швецыі стаў пятым на зімовых Гульнях, папярэднія чатыры ўзнагароды вышэйшай пробы выйгралі для гэтай скандынаўскай дружыны жанчыны.-0-
