27 лістапада, Мінск /Кар. БЕЛТА/. Вопытны расійскі форвард Міхаіл Плотнікаў папоўніў рады ХК "Юнацтва-Мінск", паведамілі БЕЛТА ў прэс-службе каманды.
Міхаіл Плотнікаў з'яўляецца выхаванцам маскоўскага ЦСКА, на працягу трох сезонаў ён абараняў колеры "армейцаў" у Маладзёжнай хакейнай лізе, станавіўся чэмпіёнам МХЛ у сезоне-2010/2011. З 2013 года нападаючы выступаў у клубах КХЛ: "Югра", новакузнецкі "Металург", маскоўскі "Спартак" і "Адмірал". Усяго ў КХЛ форвард правёў 137 матчаў, набраўшы 39 (19+20) ачкоў.
Мінскае "Юнацтва" правядзе 27 лістапада важны матч у экстралізе. У Гродне падапечныя Міхаіла Захарава сустрэнуцца з дзеючым чэмпіёнам Беларусі "Нёманам". Першая гульня ў чэмпіянаце паміж дзвюма камандамі 19 кастрычніка завяршылася пераканаўчай перамогай мінчан - 6:0. Навічок "Юнацтва" Міхаіл Плотнікаў у маючай адбыцца сустрэчы ў Гродне не зможа згуляць.-0-
