23 студзеня, Мінск /Кар. БЕЛТА/. Іспанец Рафаэль Надаль з-за траўмы нагі адмовіўся прадаўжаць чвэрцьфінальны матч Australian Open супраць харвата Марына Чыліча. Аб гэтым паведамляе ТАСС.
Рафаэль Надаль, які займае першае месца ў рэйтынгу Асацыяцыі тэнісістаў-прафесіяналаў (ATP), адмовіўся ад прадаўжэння сустрэчы ў пятым сэце пры ліку 3:6, 6:3, 6:7 (5:7), 6:2, 2:0 на карысць харвата.
У паўфінале шостая ракетка свету Марын Чыліч згуляе з брытанцам Кайлам Эдмундам (44).
31-гадовы Рафаэль Надаль за спартыўную кар'еру выйграў 16 турніраў серыі "Вялікага шлема". Іспанец адзін раз выйграў Australian Open (2009), 10 разоў - Адкрыты чэмпіянат Францыі (2005-2008, 2010-2014, 2017), два разы - Уімблдон (2008, 2010), тры разы - Адкрыты чэмпіянат ЗША (2010, 2013, 2017). Таксама Рафаэль Надаль з'яўляецца двухразовым алімпійскім чэмпіёнам (2008, 2016).
Australian Open завершыцца 28 студзеня.-0-