15 жніўня, Мінск /Кар. БЕЛТА/. Сталі вядомы даты і час пачатку матчаў за выхад у групавы этап Лігі чэмпіёнаў паміж футбалістамі БАТЭ і ПСВ, паведамілі БЕЛТА ў прэс-службе барысаўскага клуба.
Першая сустрэча чэмпіёнаў Беларусі і Нідэрландаў адбудзецца ў аўторак, 21 жніўня, на полі "Барысаў-Арэны". Гульня ў адказ пройдзе 29 жніўня на стадыёне "Філіпс" у Эйндхавене. Абедзве сустрэчы пачнуцца ў 22.00 па беларускім часе.
Пераможца двухматчавага процістаяння згуляе ў групавым этапе ЛЧ, той, хто прайграе, прадоўжыць еўракубкавы сезон у адной з груп другога па рангу кантынентальнага турніру - Лізе Еўропы.-0-