3 кастрычніка, Мінск /Кар. БЕЛТА/. Прэзідэнтам Міжнароднай федэрацыі шахмат на Генеральнай асамблеі гэтай арганізацыі ў Батумі выбраны сёння расіянін Аркадзь Дварковіч, паведамляе карэспандэнт БЕЛТА.
Па выніках галасавання былы віцэ-прэм'ер урада Расіі набраў 103 галасы. Аркадзь Дварковіч змяніў на пасадзе старшыню ФІДЕ Кірсана Ілюмжынава.
Як паведамілі ў Мінспорту Беларусі, кіраўнік спартыўнага ведамства Сяргей Кавальчук таксама прыбыў у Батумі, каб падтрымаць заяўку на правядзенне 45-й сусветнай шахматнай Алімпіяды 2022 года ў Мінску. Галасаванне адбудзецца 5 кастрычніка ў час пасяджэння Генеральнай асамблеі Міжнароднай федэрацыі шахмат.
Беларусь падала заяўку на правядзенне самага буйнога міжнароднага шахматнага турніру ў час пасяджэння Прэзідэнцкага савета FIDE, якое ў красавіку бягучага года прайшло ў Мінскай гарадской ратушы. Акрамя Беларусі на арганізацыю турніру прэтэндуюць Карэя і Туніс.-0-
