5 лютага, Мінск /Кар. БЕЛТА/. Баскетбалісткі зборнай Беларусі пачалі заключны этап падрыхтоўкі да кваліфікацыйных матчаў чэмпіянату Еўропы ў мінскім Палацы спорту, паведамляе карэспандэнт БЕЛТА.
Паводле інфармацыі прэс-службы Беларускай федэрацыі баскетбола, сёння да баскетбалістак з нацыянальнага чэмпіянату далучыліся лідары, якія выступаюць у замежных клубах. Гэта Настасся Верамеенка ("Фенербахчэ", Стамбул, Турцыя), Алена Леўчанка, Кацярына Сныціна (абедзве - "Хатай", Турцыя), Марыя Папова ("Боташ", Турцыя), Таццяна Ліхтаровіч ("Кельтэрн", Германія), Алекс Бентлі ("Надзея", Арэнбург, Расія), Аляксандра Тарасава ("Німбурк", Чэхія), Марына Івашчанка ("Ліепая", Латвія), Юлія Рыцікава ("Гожуў", Польшча). Разам з імі прадаўжаюць падрыхтоўку прадстаўніцы лепшых беларускіх клубаў - Марыя Філончык, Алёна Голубева, Ганна Брыч, Вольга Зюзькова (усе - "Гарызонт"), Вікторыя Гаспер ("Цмокi-Мiнск") і Арына Масько ("Алімпія", Гродна).
Першая з дзвюх адборачных сустрэч жаночага Еўрабаскета-2019 адбудзецца ў Палацы спорту ў суботу, 10 лютага, калі беларускі сустрэнуцца з камандай Турцыі. У наступную сераду, 14 лютага, каманда Наталлі Трафімавай згуляе з польскімі баскетбалісткамі. Зборная Беларусі ў лістападзе 2017 года паспяхова стартавала ў кваліфікацыйнай групе В. Спачатку ў Валжбжыху была абыграна польская каманда - 70:62, а затым у Мінску беларускія баскетбалісткі разграмілі саперніц з Эстоніі з лікам 80:63. Таксама дзве вікторыі ў турчанак - над эстонкамі - 81:56 (у гасцях) і полькамі - 73:53 (дома).-0-