Сцяг Чацвер, 28 сакавіка 2024
Усе навіны
Усе навіны
Спорт
10 верасня 2019, 18:57

Лёгкаатлетычны матч Еўропа - ЗША ў Мінску. Фінальны дзень спаборніцтваў

На мінскім стадыёне "Дынама" прадаўжаецца лёгкаатлетычны матч Еўропа - ЗША. У другі, заключны дзень спартсменам трэба вызначыць лепшых у 19 відах праграмы. На бегавыя дарожкі і сектары дынамаўскай арэны ў складзе каманды Еўропы выйдуць 8 беларускіх атлетаў.

У праграму гістарычнага матчу ўключаны кіданне молата, кіданне кап'я, кіданне дыска, бег на 100 м, 100 м з бар'ерамі, 110 м з бар'ерамі, 200 м, 400 м, 400 м з бар'ерамі, 800 м, 1 500 м, 3 000 м, 3000 м з перашкодамі, эстафетны бег 4x100 м, змешаная эстафета (200-200-400-800 м), штурханне ядра, трайны скачок, скачкі ў вышыню, скачкі ў даўжыню, скачкі з шастом.

У кожным відзе праграмы выступаюць па восем атлетаў (па чатыры прадстаўнікі ад Еўропы і ЗША). Пераможцы ў сваіх дысцыплінах атрымаюць па 7 тыс. еўра прызавых, удзельнікі, якія занялі другія месцы, - па 5 тыс., трэція месцы - па 4 тыс. еўра. Усяго ўдзел у турніры прымаюць каля 350 атлетаў.

Напярэдадні, у першы дзень матчу, прайшлі спаборніцтвы ў 18 відах праграмы. І пакуль наперадзе еўрапейскія спартсмены, якія набралі 328 ачкоў. У актыве амерыканцаў 312 заліковых балаў.

Беларускіх балельшчыкаў 9 верасня асабліва парадаваў Максім Недасекаў, які выйграў спаборніцтвы скакуноў у вышыню з лепшым рэзультатам сезона ў свеце - 2 м 35 см, заваяваўшы ліцэнзію на выступленне на Алімпіядзе-2020 у Токіа.-0-

Падпісвайцеся на нас у
Twitter
Топ-навіны
Свежыя навіны Беларусі