19 ліпеня, Мінск /Кар. БЕЛТА/. Беларускі тэнісіст Максім Мірны і аўстрыец Філіп Освальд атрымалі другую перамогу на турніры ў шведскім Бастадзе, паведамляе карэспандэнт БЕЛТА.
У сённяшнім чвэрцьфінале парнага разраду Мірны і Освальд за гадзіну перайгралі бразільскі дуэт Фабрысіа Неіс / Фернанда Рамбалі - 6:3, 6:3.
На старце спаборніцтваў беларуска-аўстрыйскі тандэм адолеў яшчэ адну інтэрнацыянальную пару Федэрыка Дэльбоніс (Аргенціна) / Раберта Баэна (Іспанія) - 6:3, 1:6, 10:8.
Турнір у Бастадзе, агульны прызавы фонд якога складае 501 тыс. еўра, завершыцца 22 ліпеня.-0-
