5 кастрычніка, Мінск /Кар. БЕЛТА/. Хакеісты мінскага "Юнацтва" ў гасцях абыгралі сапернікаў з "Гомеля" (6:3) і прадоўжылі сваю серыю перамог у экстралізе дывізіёна А да 11 матчаў, паведамляе карэспандэнт БЕЛТА.
Гамяльчане ў першыя 20 мінут гульні змаглі двойчы закінуць Ігару Брыкуну. Закінутыя шайбы ў актыве Ігара Равенкі і Аляксандра Жыдкіх. "Юнацтва" выйшла наперад у другім перыядзе дзякучы ўдачным дзеянням у большасці. Падапечныя Міхаіла Захарава паспяхова рэалізавалі колькасную перавагу намаганнямі Сяргея Дразда і Станіслава Лапачука. Пад канец перыяду абаронца "Юнацтва" Андрэй Антонаў змог закінуць у меншасці - 3:2. У заключныя 20 мінут сустрэчы ў Гомелі перавага мінчан была адчувальнай. Станіслаў Лапачук на 46-й мінуце другі раз за сустрэчу стаў аўтарам шайбы, а яго партнёр Міхаіл Стэфановіч у канцы матчу таксама вызначыўся галявым дублем.
Іншыя матчы ў дывізіёне А экстралігі завяршыліся з наступнымі вынікамі: "Шахцёр" (Салігорск) - "Металург-Жлобін" - 4:2, "Дынама-Маладзечна" - "Ліда" - 7:3.
Турнірнае становішча: 1. "Юнацтва-Мінск" - 33 ачкі (11 матчаў), 2. "Шахцёр" - 30 (12), 3. "Гомель" - 23 (12), 4. "Нёман" - 19 (11), 5. "Дынама-Маладзечна" - 17 (12), 6. "Ліда" - 6 (11), 7."Металург" - 6 (12), 8. "Беларусь U-20" - 4 (11).
У спрэчцы бамбардзіраў лідзіруюць адразу два ігракі мінскага "Юнацтва". Абаронца Андрэй Антонаў мае ў сваім актыве 16 балаў (2 галы і 14 рэзультатыўных перадач), Міхаіл Стэфановіч у экстралізе закінуў 9 шайбаў і зрабіў 5 галявых пасаў.-0-
