Поўная версія

Марадона атрымаў майку брэсцкага "Дынама"

Спорт 23.05.2018 | 12:54
Дыега Марадона
Дыега Марадона

23 мая, Мінск /Кар. БЕЛТА/. Вядомы аргенцінец Дыега Марадона атрымаў майку брэсцкага "Дынама" на прэс-канферэнцыі ў Абу-Дабі, дзе ён быў прадстаўлены як старшыня праўлення брэсцкага футбольнага клуба, паведамляюць інфармагенцтвы.

Чэмпіён свету-1986 Дыега Марадона расказаў аб тым, што будзе працаваць разам з камандай на стадыёне, даваць "Дынама" ўсё лепшае, каб клуб быў больш канкурэнтаздольным. Ён таксама мае намер працаваць і з маленькімі ігракамі з акадэміі "Дынама". Марадона лічыць неабходным узмацненне складу "Дынама". На заканчэнне вялікі футбаліст атрымаў майку "Дынама" пад нумарам 10 і пацалаваў яе.

Фота з сацыяльных сетак
Фота з сацыяльных сетак'

Аб падпісанні кантракта з вялікім аргенцінскім футбалістам брэсцкае "Дынама" аб'явіла 15 мая.-0-

Навіны рубрыкі Спорт
Поўная версія