Поўная версія

Кубак свету ФІФА на некалькі гадзін стаў экспанатам Палаца Незалежнасці

Спорт 13.02.2018 | 17:34

13 лютага, Мінск /Міхаіл Маціеўскі - БЕЛТА/. Кубак свету ФІФА 13 лютага прыбыў з Вены ў Мінск. Перад тым, як быць выстаўленым у спартыўна-забаўляльным комплексе Falcon Club для шырокага кола аматараў футбола, ён быў прадстаўлены гасцям Палаца Незалежнасці, перадае карэспандэнт БЕЛТА.

Галоўны трафей сусветнага футбола размясціўся ў зале ўрачыстых цырымоній. Тут яму не ўдалося пазбегнуць уважлівых позіркаў удзельнікаў мерапрыемства, сярод якіх былі юныя беларускія футбалісты, трэнеры, прадстаўнікі футбольнай грамадскасці, пераможцы і прызёры Алімпійскіх гульняў, спартыўныя функцыянеры.

Ва ўрачыстым мерапрыемстве з нагоды прыбыцця знакамітага кубка ў Мінск прынялі таксама ўдзел Прэзідэнт Беларусі Аляксандр Лукашэнка і прадстаўнік ФІФА Лукас Рахаў.

Пасля памятнага фатаграфавання Аляксандр Лукашэнка цёпла пагутарыў з удзельнікамі цырымоніі, абмеркаваўшы з юнымі ігракамі іх першыя поспехі, а з вядомымі спартсменамі і трэнерамі - развіццё ў краіне розных відаў спорту. Размова перш за ўсё ішла аб стане спраў у беларускім футболе. Аб сваім бачанні праблем кіраўніку дзяржавы расказаў заслужаны трэнер СССР і Беларусі Эдуард Малафееў. Уважліва выслухаўшы яго, Прэзідэнт паабяцаў у бліжэйшы час удзяліць гэтай тэме неабходную ўвагу і даў шэраг адпаведных даручэнняў старшыні Беларускай федэрацыі футбола Сяргею Румасу.

У час сустрэчы з кіраўніком дзяржавы размова ішла аб развіцці і такіх відаў спорту, як плаванне, мастацкая гімнастыка, фехтаванне, веславанне на байдарках і каноэ, веласпорт. Не абышлі ўвагай і выступленне беларускіх атлетаў на зімовых Алімпійскіх гульнях, што праходзяць у гэтыя дні ў Пхёнчхане. Яшчэ адным сюрпрызам для прадстаўнікоў спартыўнай сферы стала экскурсія па Палацы Незалежнасці.

На заканчэнне мерапрыемства Лукас Рахаў уручыў Аляксандру Лукашэнку зменшаную копію Кубка свету ФІФА. Чакаецца, што яна стане пастаянным экспанатам Палаца Незалежнасці.

Афіцыйная цырымонія старту міжнароднага тура афіцыйнага трафея Кубка свету па футболе ФІФА адбылася 22 студзеня ў Лондане. Яго падарожжа ўключае 91 горад у 51 краіне на ўсіх кантынентах.

У беларускай сталіцы галоўны футбольны трафей будзе выстаўлены з 15.00 да 22.00 у спартыўна-забаўляльным комплексе Falcon Club. З Мінска Кубак свету адправіцца ў Сафію.-0-

Навіны рубрыкі Спорт
Фота CEV Беларускія валейбалісткі (U-17) перамаглі каманду Германіі на ЧЕ і атрымалі права згуляць на чэмпіянаце свету
20 красавіка, 19:55
Дызайн медалёў II Еўрапейскіх гульняў абмеркаваў аргкамітэт
20 красавіка, 19:01
ФХБ перадала камплекты дзіцячай хакейнай формы тром абласцям Беларусі
20 красавіка, 16:55
Аляксандра Сасновіч і Ганна Караліна Шмідлава Аляксандра Сасновіч і Ганна Караліна Шмідлава адкрыюць матч Кубка Федэрацыі Беларусь - Славакія
20 красавіка, 14:12
Матчам з датчанамі хакеісты зборнай Беларусі пачнуць заключны этап падрыхтоўкі да ЧС-2018
20 красавіка, 11:22
Краўцоў: прыгожая перамога "Нёмана" стане цудоўным стымулам для юных хакеістаў
20 красавіка, 10:29
Фота ХК "Дынама-Мінск" Асістэнты галоўнага трэнера ХК "Дынама-Мінск" прадоўжаць работу ў клубе
19 красавіка, 18:40
Дзве бронзавыя ўзнагароды заваявалі беларускія фехтавальшчыкі на маладзёжным ЧЕ ў Ерэване
19 красавіка, 17:49
Хакеісты ЦСКА абыгралі ў авертайме "Ак Барс" і скарацілі адставанне ў фінале плэй-оф КХЛ
19 красавіка, 12:34
Поўная версія