12 лютага, Мінск /Кар. БЕЛТА/. Чарговы камплект узнагарод разыграны на алімпійскіх спаборніцтвах па канькабежным спорце, паведамляе карэспандэнт БЕЛТА.
Чэмпіёнскі тытул заваявала праслаўленая галандская спартсменка Ірэн Вюст, якая паказала час 1 мін 54,35 сек. Гэта пяты ў кар'еры залаты медаль Ірэн Вюст на Алімпійскіх гульнях. Серабро ў японскай спартсменкі Міхі Такагі (1 мін 54,55 сек), а ўладальніцай бронзы стала яшчэ адна прадстаўніца Нідэрландаў Марыт Ленстра (1 мін 55,26 сек).
Беларуска Марына Зуева, якая выступала на гэтай дыстанцыі, была дыскваліфікавана за парушэнне правіл у сваім забегу.-0-
