23 кастрычніка, Мінск /Кар. БЕЛТА/. Жаночая зборная Беларусі перамагла ў камандным турніры па класічным луку на Сусветных ваенных гульнях у Кітаі. Гэта другі залаты медаль беларускіх спартсменаў на спаборніцтвах, паведамляе карэспандэнт БЕЛТА.
У вырашальным матчы за золата Карына Дзёмінская, Карына Казлоўская і Аляксандра Куратнік выйгралі ў саперніц з Расіі - 6:2. Трэцяе месца занялі спартсменкі КНДР, якія перамаглі ў матчы за бронзу ўкраінак - 5:3.
На VII Сусветных ваенных гульнях у Кітаі, якія праходзяць з 18 па 27 кастрычніка, спаборнічаюць больш як 9,3 тыс. спартсменаў-ваеннаслужачых са 109 краін у 27 відах спорту. У склад зборнай Беларусі ўвайшлі 97 спартсменаў.-0-