18 мая, Мінск /Аляксандр Новікаў - БЕЛТА/. Вядомы беларускі спецыяліст Юрый Альберс назначаны галоўным трэнерам зборнай Беларусі па біятлоне, паведамляе карэспандэнт БЕЛТА.
У Міністэрстве спорту і турызму Беларусі адбылася атэстацыя трэнерскага складу зборнай Беларусі па гэтым відзе спорту.
Юрый Альберс зацверджаны на пасадзе галоўнага трэнера зборнай, Алег Рыжанкоў стаў старшым трэнерам мужчынскай каманды, Фёдар Свабода па-ранейшаму, як і ў алімпійскі сезон, будзе адказваць за падрыхтоўку жаночай каманды на пасадзе старшага трэнера.
Кантракты са спецыялістамі будуць падпісаны з 1 ліпеня 2018 года. Пакуль застаюцца вакантнымі пасады памочнікаў старшых трэнераў у мужчынскай і жаночай зборных.
Падрыхтоўка да новага сезона ўжо стартавала. Нашы біятланісткі Ірына Крыўко, Дзінара Алімбекава, Ганна Сола пачалі ўжо трэніравацца.
Першы этап Кубка свету па біятлоне сезона 2018/2019 пройдзе ў славенскай Паклюцы з 30 лістапада.-0-